أطلبك يالغالي وداعـــــي ........ باطردك من قلبي وروحـي 

سببت يا عمـري ضياعي ........ وهـيّضت في قلبي جروحي

كــــان الأمل أنك تراعي ........ وتقدّر اخلاصي  وضوحـي

بانساك وآهــــاتي تلاعـي ........ باهجرك لـــو قلبي ينوحـي

وبنسى مواعي داجتماعـي ........ وْوقت مــوعدنا الصبوحي

يا بـو مداعـــيـجٍ وساعـي ........ واجبـيـن كالـبــارق يلوحي

خلاص ما للقول داعي ........ اطلع من اعماقي وصروحي

أقــولها بـكــل اقـتـناعي ........ ما عاد لي بـــك أي طموحي

بارحل وباتركـلـك متاعي ........ وابغيك يــــا خلي سموحي

اعتبرني مت !

اعتبرني مت واعلمت بوفاتي   ****   وأنتظر يا زين منك التعزيات

ما أبي ذكراك ترجع في حياتي   ****   ولا أبي أنظر ألبوم الذكريات

اعتبر بي قلب جامد كالحصاتي   ****   والجسم قد صار خالي م الحياة

من عقب صميت أذنك عن وصاتي   ****   خلني أعيش عمري في سكات

والعوض بالله وصبري وتضحياتي   ****   والسنين اتكون إهيَ الشافيات

ولا تدور شخص سميته غناتي   ****  من بعد ما صار جسمه في رفات !

يا ورد

يا ورد وش يقرب لك الخد؟ ... لي صاحبه يقطفك بيديه 

شد إنتباهي في الشبه شد ... يا ورد شاللي منك تعطيه؟ 

يا ورد .. له عين وله قد ... وله طول مع خصر يحليه 

له بسمه ما هي على حد ... ودي عيــوني ما تخليه 

من خاطري قمــت آتنهد ... حسيت روحي ميته فيه 

ما هو مزوحي نظرته جد ... وفي مشيته يوزن خطاويه 

سلمت لا سلم ولا رد ... روح وعـــين الله تراعيه 

ناظر بطرف عيونه وصد ... وكلي أمل يوم ألاقيه