| ミ☆ミ نشـ ـ ـ ـ ـ... 的个人资料ミ☆ミ NashwaN ミ☆ミ照片日志列表 |  工具  帮助 |
|
4月23日 آه يا جور الزمـــان
:مدخل
ما انحنى إلا الجبان
ولابكى إلا الجريح
ولا انكسر خاطر وهان
إلا من وقت شحيح
آه يا جور الزمان
الرّدي فيه مستريح
:ربــع النـص
المشاعر طهر نازف أكثره
زايغ الأطراف
لوّن دفتره
مثلما العصفـور يتمنى يطير
بين غصن الرّيح وجناحه حرير
مالقى نفسه
وضيّع آخره
وأعذره
مادرى بابالليل واللحظة سكون
مارمى من خاطره حزن العيون
ولا كشف معنى الملامح والظنون
ولاشرب سهده ولانامت جفون
ولاتداعى من شرر سهم الكلام
لين صابه فالصميم ودمره
وانكسر في داخله
أجمل شعور
ونام
.. .. .. ونام
نام طرفي من عجز عن الاحتمال
والملامح من تعبها
شوهت روح الجمال
والأمان اللي تهايالي ظلال
كان نأمه من فرح كان اشتعال
إن تصدع صار جمر
وان تبعثر صار لال
يا المعنى
رد له بعض اعتبار
لا غفا هالعتم وتلون غبار
سَم على جرحه
وهدهد له جدار
ولا تغار
: نص النـــــص
لا تحاول
لا فرار
ولا قرار
النهاية ليلنا المثلوم صار
حاير أعرج مشوّه مستثار
في عيون العاشقين
المغرمين
ساهين الطرف، سهّد، معدمين
مشعلين الشمع أحزان ومرار
وان بكى هالحظ واتناثر خضار نامت اللهفة على صدره وحام
لا مسار
.. .. ولا اختيار
عندما يجتاح صدرك حبر ريح
لاتحاول تنحني
واحذر تطيح
ماخبرت اليوم يمضي دون نور
ولا هدم حلم المباني كسر سور
ولاتمطت عن ألم ذيك الطيور
يا الغيور
اللي بكى عهد السلام
لا تنام
وفي الأفق
موتٍ يدور
ولا تعطل حلم عمرك واستريح
دورة الأيام بتسوقك جريح
: ثلاثـة أرباع النــص
ولا تنام
وخل هالصحوه سكون
والوعد في داخلك عدّه جنون
لا تنام
وطرفك الولهان جرح
دللّه من خاطرك واحذر تخون
يمكن انك تروي الليله ظماه
الفواد اللي تلحف محتواه
ويمكن انك تحفر الظلمة خيال
والشقي المنتهي تغسل شقاه
ويمكن أنك اتّدارك ما حواه
بعد ما غاب المولع
في دهاليزه وتاه
ما انحنت يا صاح للنذل الجباه
يا فديت اللي زرعني كرم عز
وكرم نور
يا فديته يوم ضمته القبور
يعل قبرك يا أبويه دار حق
ينبعث من داخله زهر الحياه
والجنان تكون داره ومنتهاه
ومن زوايا جبهته
تمطر عطور
يا الكبير، القرم، يالشهم الجسور
من وأنا عمري يا بوي أول شهور
كنت ترسم لي الأماني كالزهور
وكنت تقطف لي نصيحه
وأتعلم
كيف أصر الحلم وأمشي به بحور
وكيف أحقق أمنياتك
دون زيف وصوت زور
وكنت أردد يا أبويه من وراك
أرما بها الشاهين وتعمم الديك
ركب الرّديف وراعي الشد حوّل
: النــــــــــص
والله حوّل يالغلا ليتك تشوف
ضاعت الهمه
وألهتنا الدفوف
واللي كانوا ما يعرفون الحروف
صاروا الكتّاب يا قو الصروف
من يسوي في الحبر بعض
معروف
يكسر الأقلام في كف اللئام
ويكشف "العورات" والدنيا
هنوف
ما تنادت غير من أجل الكرام
والغريب اللي تعرفه من أديب
ويضرب الأشراف من تحت
الحزام
ذاك دربه يوم يصتك الزحام
واضح .. وحامل من "الخسه" صنوف
مول ما يحتاي بعيونك تشوف
!! بس شـوف
: مخــــــرج
ما انكفى إلا فقير
ولا كذب إلا حقير
ولا تساوى في المساوئ
غير من باع الضمير 引用通告此日志的引用通告 URL 是： http://nashwan22.spaces.live.com/blog/cns!E636F3E98D752EBD!143.trak 引用此项的网络日志
|
|
|
